(…) За жал, постои и втора варијанта, не помалку присутна во современото (па и не толку современото) православие. Наједноставно може да се окарактеризира како безрасудливо имитирање на западното христијанство (присвојување на готови шеми од Западот). Ваквиот пристап се согледува, на пример, во „православниот барок“, хетерофоничното црковно пеење, но и во обредноста и односот кон богословието. Во тој дух е формирано таканареченото „школско богословие“ (воглавно основано на прочуените исподеанија на верата на Кирил Лукарис, Митрофан Критопулос, или Петар Могила) карактеристично по тенденцијата кон табеларно подредување на учењето на Црквата и неговото сведување на дефиниции, цитати, формули и сл. Па така, на пример, таинствата на Црквата се сведени на „седумте свети тајни“, иако такво мистириолошко учење на православието му е тотално непознато сè до 13. век! „Света тајна“ станува технички термин, сосема оттргнат од својата светотаинска суштина – учествувањето на човекот во Христовата тајна на соединувањето на Бога и човекот. Примерите се премногубројни за да се набројуваат. Во суштина станува збор за препишување на цели параграфи од римокатоличките катихизиси и нивно безрезервно усвојување, или просто преформулирање, при што суштината си останува недопрена… (more…)
Posts Tagged ‘pravoslavie’
Православието, Истокот и Западот (збунета перспектива) I
Posted in Современо богословие, Христијанска етика и аскетика, tagged aristotel, aristotelizam, beskvasen, cistiliste, аристотел, аристотелизам, бесквасен, византија, генерализација, евхаристиски живот, евхаристија, екуменски дијалог, епиклеза, запад, исток, контра, литургиски живот, мистика, мистично, отци, папа, платон, платонизам, православие, причест, причестување, ekumenski dijalog, epikleza, evharistija, evharistiski zivot, filiokve, filioque, generalizacija, istok, kontra, liturgiski zivot, misticno, mistika, рационално, рационалност, редовно причестување, свети отци, филиокве, чистилиште, otci, papa, platon, platonizam, pravoslavie, pricest, pricestuvanje, racinalno, racionalnost, redovno pricestuvanje, sveti otci, vizantija, zapad on Април 4, 2008| 2 Comments »
Ако е точно тврдењето на многубројните православни отци дека Хростос е над Истокот и Западот, од каде тогаш толку често сретнуваната безрезервна самоидентификација на православието со идејата за Истокот, доживеан како своевиден негатив на Западот? Како да постои некаква пубертетска зависност од христијанскиот Запад. Пубертетска – затоа што е по правило „контрашка“. Формулата за „пресметување“ на православниот став по определено богословско прашање доста често знае да гласи отприлика вака: за што и да се застапи Западот се множи со „минус еден“ и се добива православната вредност! Многу убаво!
Римокатолиците имаат филиокве, а ние немаме филиокве! Римокатолиците немаат епиклеза, ние имаме епиклеза! Они имаат папа, ние немаме! Они имаат чистилиште, ние немаме! Они имаат бесквасен леб, ние – квасен! Сега, да не се разбереме погрешно, ништо од сево ова не е неточно, ама духот на ваквата „контра-генерализација“ е длабоко навлезен во начинот на размислување на „источно-православниот“ богословски стил… (more…)
Косово – да се биде или да не се биде христијанин?
Posted in За животот на Црквата, Христијанска етика и аскетика, tagged crkva, da se bide ili da ne se bide, Ватикан, Косово, Лазар, Римокатоличка црква, Светски совет на црквите, Црква, гето, да се биде или да не се биде, избор, интеграција, интегрира, исклучок, милет, мисија, независност, православие, преседан, geto, integracija, integrira, isklucok, izbor, Kosovo, Lazar, milet, misija, nezavisnost, pravoslavie, presedan, Rimokatolicka crkva, Svetski sovet na crkvite, Vatikan on Март 1, 2008| 1 Comment »
Уште пред да се случи прогласувањето на независноста на јужната српска покраина Косово и Метохија – си дадов збор дека барем некои десетина дена по собитието нема да напишам ниту збор по прашањето. Добро е човек малку да земе здив, да остави колку-толку да си легнат работите, па дури тогаш да опсудува и да предлага мислења. Се разбира, она за што ќе пишувам нема да бидат некакви специјални политички, економски и не знам какви анализи – ниту сум јас стручен за тоа, ниту блогов се занимава со наведените области – туку просто ќе се обидам да фрлам малку светлина на неколку клучни сегменти од целата приказна.
Првиот интересен момент, во секој случај, беше солидаризирањето на Римокатоличката црква и Светскиот совет на црквите со Србија. Ватикан јасно и гласно одби да ја признае самопрогласената независност на Косово. И тука може на долго и на широко да се „бистри“ и анализира – но едно е сигурно: Ватикан со ова направи многу битен чекор во насока на подобрување (или барем одржување) на дијалогот со православните (а особено со Руската Православна Црква)… (more…)